與你快楽過生活

＜藏在暗巷的夜宵＞ 新天地美食 ••••••••••••••••••••••••• 收夜總想食少少嘢 😛 又唔想食得太肥膩 🤭 為此周圍打聽不同宵夜的地方 🙈 於是找上這間主打老火湯的小店 🍵 ・・・・・・・・・・・・・  今次叫左雞腳同豬肺湯，湯底都十分足料。小小一碗 🍲 ，雞腳已有4隻雞腳之多，而碗上的大粒冬菇是它的特色。湯底十分鮮甜，每一啖都像飲到骨膠原 💁🏼‍♀️ ，立馬肌齡逆轉 🙊 加上落咗胡椒，除左好飲之外仲好暖身添。雞腳 🐓 軟腍有彈性，連平常不吃雞腳的我也看得上眼 🤗 ・・・・・・・・・・・・・ 菜乾豬肺湯清甜 🤤 菜乾又腍身無渣，豬肺處理得乾淨，係另一個大熱選擇 ・・・・・・・・・・・・・ 這是一間沒甚麼的裝潢的店子 🥢 環境也很地踎 🤫 但這裏卻有好飲的鷄腳湯，最緊要係由晚上一路開到深夜 😴 放左工見涼涼哋想飲啖湯，不妨試試佢 😏 ••••••••••••••••••••••••• 【店家資訊】 🚀 新天地美食 〒尖沙咀金巴利道85號地下 OPEN 06:00pm~06:00am

＜長洲的美味炸雲吞 ㊙️＞ ＞寬記麵家 ••••••••••••••••••••••••• 想散下心又得一日假，邊度都去唔到 🤔 ，近近地去長洲行一轉係唔少人嘅選擇 🚢 ，但而家連閒日去都好多人 😕 ，周末同假期更加係淪陷咁滯 😨 ，想悠閒都難，甚至成為咗島上居民嘅負擔 🤕 已經唔係今日先講㗎喇 ☝🏼 。所以，去到島上就一定要盡量搵啲遊客雷達上面嘅漏網之魚 😌 😌 ・・・・・・・・・・・・・ 有間心水嘅粉麵店，我每次入去都會幫襯 🙌🏼 ，不過唔係食麵 🍜 ，而係食佢哋嘅炸雲吞 🍤 。雖然唔似得其他地方例如筲箕灣王林記咁咬落見到大大隻蝦，但係蝦味更香更濃 🦐 ，蝦同豬肉 🐷 大概七三比例，冇睇錯好似仲有啲蝦籽 🙊 ，外皮脆得嚟少油。 ・・・・・・・・・・・・・ 即叫即炸 😀 ，更多時候係即叫即包即炸 😄 ，絕對值得等待 🤘🏼 我通常買外賣，配埋小商店買嘅冰凍啤酒 🍺 ，喺海傍嘆住海景咁食 🏖 ，係我哋低端人口嘅高端享受 ☺️ ・・・・・・・・・・・・・ 圖中見到嘅係我自備嘅木碗 🌳 *，大細唔係好夠放佢哋一客八隻嘅炸雲吞 😅 ，但店員次次都好好心機幫我叠起啲雲吞 🤓 方便我拎。要留意係店方喺午飯時間客量較多，未必做呢個炸雲吞，小店有小店嘅個性 😎 ，唔好強人所難，想食 🍴 就要自己識做喇 😏 ••••••••••••••••••••••••• 🚀  寬記麵家 〒 長洲大新街29B號地舖 *RakuRaifu支持大家自備餐具甚至食物盛器，減少對即棄產品嘅依賴

＜Floom as you born to be＞  Floom Floom 鳥語 ••••••••••••••••••••••••• 今日朋友推介黎到呢間樓上cafe食lunch，環境認真唔錯，最特別就係牆上面既neon light同埋隔離既花花草草 🌸 🌼 ，令人有種好舒適既感覺。 ☺️ ・・・・・・・・・・・・・ 我地兩個人叫左三樣野食，第一個係 Floom floom all day breakfast  呢個all day breakfast 大大份！ 沙律菜淋上黑醋，酸酸甜甜，真係好開胃。 牛油果多士，比較腍，唔會太熱氣，滿滿新鮮既牛油果蓉，岩晒超級鍾意牛油果既我。 🥑 黑松露炒蛋，蛋唔算好滑，但係黑松露味道好出。 🍳 🍳 煎磨菇真係好腍好juicy，個日我掛住影相，啲野食等到凍晒，如果係熱住食，一定會仲好味。 👍🏼 ☺️ 煙三文魚同腸都係意料之內既好味 ・・・・・・・・・・・・・ 明太子忌廉汁意粉配三文魚子 明太子忌廉汁味道好香濃，配搭爽口既白磨菇同紅洋蔥。加上三文魚子，雖然我唔食，但朋友話都幾好味既。 ・・・・・・・・・・・・・ Apple beetroot honey  呢個o野飲好清新，紅菜頭健康好多人都知道，但係味道唔係個個都接受得到，呢杯加左蘋果同蜜糖去中和紅菜頭既味道，唔會蓋過晒紅菜頭，亦都唔會好甜，正！顏色紅彤彤，影相出黎真係好靚！ ・・・・・・・・・・・・・ 呢間cafe都幾岩約埋幾個閨蜜去食野傾偈啦，仲有個角落可以除鞋坐低，舒舒服服咁食野同傾偈 ㊙️ ，仲有裝飾擺設都好岩影靚相 ☺️ 📸 ••••••••••••••••••••••••• 【店家資訊】 🚀 Floom Floom 鳥語 〒 尖沙咀厚福街12-12A號藍馬商業大廈10樓 OPEN MON-THU,SUN 12:00-22:00 FRI-SAT 12:00-23:00